التاكسي ...؛قصة واقعية

حبيت انقل هذي القصهـ ..،، عشان الواحد ياخذ الحــذر ..

في احد الايـــام ... شاب وسـيم ابيض البشرة ... لابس جنز وكاشخ ...
طالع من استراحتـه وركب سيارتـه ... وهو بطريقـه لبيتهم .. طفـت السيارة
( والله النشبــه مو وقتك والله مو وقتك تطفين الحيــن )


قال اوقف لي تاكسي وبكره يحلها الف حلال ...


وركب مع تاكسي باكستاني ..
والشاب هذا طبعه هاااااادي


سأله الباكستاني : انت سعودي والا لبناني ؟؟


قال الشاب السعودي خلني اكذب عليه وش وراي وقال له اني لبناني باللهجه اللبنانية طبعاَ
قال الباكستاني : وين تشتغل
قال : اشتغل بصالون
قال الباكستاني كم راتبك
قال الشاب السعودي : 2500 ريال
قال الباكستاني : انا لو اعرف اني بجي للسعوديه وبأستلم 2500 ريال كان جلست ببلدي احسن لي
وانا هنا اطلع 10,000 ريال بالشهر
قال السعودي كل هذا بـالتاكسي ؟؟
قال الباكستاني اكيد لأ ... قال اجل وش تشتغل ...؟
قال انا ابيع خمر ... حبوب ... حشيش .. بنات ...


قال السعودي كل الي قلته موجود بس بنات صعب ..
قال الباكستاني مو صعب
الا الباكستاني طلع من تحت المرتـبـه البوم كله صور بنـات قال السعودي


الله هذي حلوه ... ابيها بكره
قال تجيك بكره ... انهبل السعودي
هذا شلون يقول بكره ماصدقـه
قال الباكستانـي هذي بـ 3000 ريال غاليه
قال السعودي فيـه لبنانيـه ...
قال لا كلهم سعوديـات
انا وانت
نجي نشتغل هنـا ونستفيد من الفلوس بدولنـا ..




الشـاب السعودي انقهر قال ... بس انا لبناني ومتغرب
كم اخر شي قال 2000 ريال عشانك قال خلاص بكره قال وين بيتكم
قال هذاك ... انهبل الباكستاني كل هالفله لك ... قال هذي حقت كفيلي
قالـ الباكستاني مستحيل اجيبها هنــا .. قال كفيلي زييي يبي بنات وتراح فلوس
يعني لو اعجبه شغلك هو يبي يطلب منك وبعدين كفيلي مسافر الحين

.... قالـ خلاص ... بكره ..


السعودي .. يقول عجزت انام افكرـ بكلامـه ...ابن الكلب
ثاني يوم اتصل ما اتصل اتصل ما اتصل .. الا اتصل الباكستانـي ...
هـلا هاهـ ايش صار < السعودي & الباكستاني > معك فلوس
السعودي : جاهزه معي ...
الباكستاني : افتح الباب ... وخذ البنت ...
السعودي : انهبلت رحت اركض للباب الا وشاف الباكستاني ومعه البنت ورا راكبـه
البـاكستانـي : معك فلوس هات ونزلها مامعك خلها بـالتاكسي لاتجيها
السعودي : عطاه الفلــوس .. واخذ البنت للفلــه ... كشفت وجههــا
صغيره توهـا الا وهي بنت تذبـح .. جمال سبحان الي خلقـها ...
وماسكه عباتـها بقوه ... وباين من شكلـها مغصوبـه ...
قعدت اناظر فيـها ... قلت انتي مو على بعضك لو ابي احلف جيتك هنـا بالغصب
البنت ... اقول اخلص علي سو الي تبي وخلني امشي < وعيونها تبي تبكي
السعودي : وبعد الحاح طويل ابي اعرف وش سالفتك ... انتي مو برضاك انتي مغصوبـه
انا سعودي زيك اعتبريني اخوك .. وربي لا اسعدك لو طلع بيدي ...

فجــــــأه ....

ارتمت بحظنـــي تبكي وتبكي ... من قوي ضمتـها وبكاهـا بكيت معها ...
قلت وش سالفتك بسررعه ...

البنت

... شفت الباكستـانـي هذا الله لايوفقه وينتقم منه والله حسيبــه ...


في يوم من الايآم .. اتصلت على زوجي ... انا لي سنتين متزوجـه ...
الووو حبيبي ممكن اروح للسوق الفلاني ...
زوجها مستلم خفاره < عسكري
روحي ياقلبي ولاتتأخرين ... لبست عباتــي وطلعت واشرت لتــاكسي
اللي هو الباكستاني ... وحنا بالطريق ركب واحد معه ودوني لمكان ما اعرفه ...
واضربونـي وخدروني وشالوا ملابسي .. وصوروني بكل الوضعيات واغتصبونـي
وداني لبيتي ... وقالـ قبل ماتنزليــن ... هذا رقمي وعطاني الرقم واخذته بالغصب ...
وقالــــي : انا متى مابغيتك اتصل وتنزلين لي ... ولا فضحتك والصور معي

والحين انزلي لاوصلتــي غرفتك اتصلي علي
نزلت وهي تبكي

وقعد يتصل علي .. وانا ارد واسكر بوجهه واتصل وقلتله نعم وش تبي ...

الله يلعنك وياخذك قال ابي اقولك شي واحد ... افتحي باب بيتك ...وشوفي وش على الباب

تقول : رحت اركض وفتحت الباب مل******** صورتي على الباب وانا مخدره وعاريـه...

قالــي : هذا المره تحذير... المره الثانــيــه .. صورك انشرها بلوتوث

تقول انا خفت ورضخت للأمر الواقـع ... والحين صار على هالطريقـه

يتصل علي واطلع ويوديني لشخص يعمل الفاحشـه فيني

صار له يسوي معي كذا 3 شهور .... !!!


الشابـ السعودي : انا اوعدك اسعدك هاتي رقمك .. اخذ رقمها وقال الحين ارجعي معه .. لبيتكم ...
وانا اتصل عليك ... اذا لقيتـ حل انشاء الله ...
راح ... اخذها الباكستـانــي ... وانا افكر وافكر وافكر ...
انا شـاب .. منحرف مافيه شخص بالهيئـه الا يعرفنـي وماسكني بكل سوق
ولكـن هنـاك شخص بالهئيـه يوم كان يمسكنــي وكان يمسكني دايم واكثر شي
كنت من كرهي له ... ودي اقطعه بسكين قطع واتمتع بتعذيبـه ...
قلت مالي الا هــو ... توجهت ثاني يوم لمقر هيئـة الرياض ...
دخلت اسئل عن الشخص قال رايح بمهمـه .. وش تبي فيه
قالـو حنـا شايفينك وين ... قـال مو مهم جيبولي الرجال هذا
المسئلـه مسئلة حيـــاة او موت
... شوي الا هو جاي ...
قال هلا والله هذا انت ... جايبيني عشانك ... اخلص علي وش تبـي ...
قلـت ابيك بسالفـه ضروري ببيتنــا .. قال بيتكم وهو منهبل المطوع ...
قلت خلاص اهم شي اكلمك اختار المكان ....
الشابـ السعودي .. : طلعت معه وركبنـا الجيب ... وقعدنـا نفر بالسياره ونسولف
قلتلـه السالفـه انهبل المطوع كل هذا يصير ببلدنـا .. من العمــالــه ... !!
قال رجل الهيئـه ... : رح لبيتكم واتصل واعده باليوم الفلاني ... واطلب منه
حشيش و حبوب و خمر .. والبنت ....
قالـ البنت !! لا لا لا لاتنفضح انا وعدتـها ما اجيب اسمهـا .. بالسالفـه
قال رجل الهئيـه من حلف بالله فصدقوه البنت والله ماراح نفضحها وعد ...
الشاب السعودي : رحت لبيتي .. وثقت بالرجال المطوع ... اتصلت على البنت
انتي فاضيـه بيوم كذا وكذا قالت ايـه قلت ابي اخلي الباكستاني يجيبك .. لقيت حل لمشكلتك ... ولا علمـها وش يبي يسوي ...
الشابـ السعودي : الو الو .. الباكستاني هلا ... ابيك تجيب البنت ... هذيك ... الي جبتها لي اول مره ...
وابيك تجيب معها حشيش ووسكي ... و حبوب .. وكل شي
ابي السهره اسبشل ... نفس الفلـه .. لان كفيلي مسافر مارجع ...
الباكستـانــي : طيب .. جابـها بنفس الموعد ... طلع الشاب السعودي يبي يتسلم البنت
و الحشيش و الخمر و الحبوب ...
الا رجــــال ... الهيئــه .. حوطو السياره ونزلوه ومسكو معه كل شي ...


وطلعو البوم الصور الي تحت مرتبة الباكستـانــي ...
واثنين .. من رجال الهيئـه
اخذو البنت وركبوهـا الجيب ... ودوها لبيتـها ...
... تم استجواب الباكستـاني ...
... وتم الكشـف عن شبكـه خطيره مكونـه من 58 شخص ...
يشتغلون بنفس الشغلـه هذي ويهددون البنات ويجيبونهم لشباب ...
.. بعد استجوابهم ... اكتشفو لكل شخص طريقـه ...
( منهم من يسحر الي يركب معه من بنات وماتدري الا هو مصورها وعامل الفاحشـه فيها ...
ومنهم من يسولف معها ويجرها على وجها بالكلام .. ويقول عامليني
اوديك واجيبك ... الين ماتثق فيه ... وبعدين يطلع بها هو وكم واحد ... ومنهم ومنهم ...)


ما اقول الا حسبي الله عليـــهم ..

لاحول ولا قوه الا بالله
نسئل الله السلامه

يعطيك اااالف العافيه
اختي
ليت الزمن يرجع ونلتقي
علي
قــصـــة مــؤثــــرة
وتقبلي مروري

لاحول ولا قوة الا بالله

وربي ينتقم من الظالم

والله لا يحرمنا من القلوب الطيبه اللي تساعد بدون مقابل

ويخلي لنا رجال الهيئه يـارب

وتسلمين على الطرح

مشكوررررررةعلى هذة القصة بس (يارب استر على بنات الامة الاسلامية )

يسلمووو كلك ذوق يالغلا

الله يعطيك العافيه على ها الطرح الروعه